Gürcüstanda destablizasiya yaradan yeganə qüvvə Rusiyadır.

Axar.az xəbər verir ki, bunu jurnalistlərə açıqlamasında Gürcüstan Azad Demokratlar Partiyasının liderlərindən olan Aleksi Petriaşvili söyləyib. Onun sözlərinə görə, Rusiya Gürcüstanın avrointeqrasiya yolunu bağlamaq niyyətindədir:

"Tarqamadzeyə qarşı sui-qəsdlə bağlı hər kəs bir-birini ittiham edir. Məsələ ondadır ki, Tarqamadzenin ölümü hökumətə sərf etmir, Vahid Milli Hərəkat Partiyasına qarşı bu sui-qəsdi heç zaman təşkil etməz. Bu terror aktı idi və onu asan şəkildə Rusiya xüsusi xidmət orqanları törədə bilərlər. Gürcüstan xarici xüsusi xidmət orqanları üçün təhlükəsiz cənnətdir".

Qeyd edək ki, bundan öncə Saakaşvilinin əsas tərəfdarlarından olan millət vəkili Qivi Tarqamadzenin avtomobili partladılıb. Nəticədə beş nəfər yaralanıb.