Ana səhifə |
Qərb həmişə Rusiya ilə lazımsız konfliktdən qaçmağa çalışır.
Axar.az xəbər verir ki, bunu "Azadlıq" radiosuna müsahibəsində erməni əsilli rusiyalı müxalif siyasətçi Harri Kasparov söyləyib. Onun sözlərinə görə, Rusiya Prezidenti Vladimir Putin həmişə Qərbin bu çatışmazlığından istifadə edir:
"Soyuq müharibədən sonra Qərb elitasında konsensus yarandı. Onlar danışıqlar aparmağa razılaşdılar. Ona görə ki, istənilən razılaşma toqquşmadan yaxşıdır. Putin bu sahədə yaxşı psixoloq oldu və anladı ki, Qərb potensial böyük qarşıdurmadan qaçmaq üçün müxtəlif güzəştlərə getməyə hazırdır. O, Rusiyadan kənarda şəxsi hakimiyyətini genişləndirmək üçün öz proqramını reallaşdırmağa başladı. Biz yalnız indi Rusiyanın Avropa və Amerikadakı agentura şəbəkəsi və lobbi imkanlarının nə qədər çox olduğunu başa düşməyə başlayırıq. Hətta Stalin belə Qərbin əsas siyasi və maliyyə institutlarına bu dərəcədə təsir edəcək qüvvə xəyal edə bilməzdi. SSRİ-nin Qərbə təsiri kommunist partiyaları, fəhlə hərəkatları, həmkarlar ittifaqları vasitəsilə həyata keçirilirdisə, Rusiya bunu solçulardan ultrasağçılara qədər hər kəsin imkanlarında istifadə etməklə həyata keçirməyə çalışır".
Tarix
2016.10.25 / 09:50
|
Müəllif
İlkin Həsənov
|