Yaxın Şərqdəki hadisələr dünya nizamının pozulmasının nəticəsidir.

Axar.az xəbər verir ki, bunu jurnalistlərə açıqlamasında Avstriyanın eks-kansleri Volfanq Şyussel söyləyib. Onun sözlərinə görə, Hələb savaşı və Mosul böhranı yeni miqrant dalğasına səbəb olacaq:

"Təəssüf ki, regional və qlobal oyunçular sülh qərarı qəbul edə bilməyiblər. Bu hadisələrin əsas səbəbi dünya nizamının pozulması və böyük güclər tərəfindən silahlanmanın kütləvi şəkildə artmasıdır. Suriya sadəcə olaraq gələcəkdə olacaqların başlanğıcıdır. Bir sözlə, yeni dünya nizamsızlığının eskizidir. Son on ildə Çin hərbi xərcləri büdcənin 10%-ni təşkil edib, ABŞ Sakit okeanda hərbi mövcudluğunu artırıb, Rusiya öz hərbi qüvvələrini modernləşdirib və artırıb".