Ukrayna bu gün Avropanı qoruyur.

Axar.az xəbər verir ki, bunu "LB.ua" saytına müsahibəsində Ukrayna Milli Təhlükəsizlik və Müdafiə Şurasının sədri Aleksandr Turçinov söyləyib. Onun sözlərinə görə, Qərb hələ də Ukraynaya lazımi dəstəyi göstərmir:

"Mən NATO və Avropa Birliyinin məmurları ilə görüşəndə onlara həmişə bir sual verirəm. Təsəvvür edin ki, Rusiya sabah rusdilli əhalinin müdafiəsi adı altında Baltikyanıya girmək istəsə, sizin fəaliyyətiniz necə olacaq? Axı artıq bir dəfə belə şey olub. Onlar Rusiya ilə bu gün savaşmağa hazır deyillər. Biz Avropanın xilaskarıyıq. Ona görə ki, Kiyev artıq Rusiya ilə döyüşməyi öyrənib və ona qarşı dayanmağı bacarır. Onlar bizi düzgün dəyərləndirmirlər".