"Xırdalan şəhər 26-cı məhəllənin bir hissəsində iş başa çatıb, tezliklə digər yerlərdə də təmiri bitirmək niyyətindəyik".

Bu barədə Axar.az-a Sumqayıt elektrik şəbəkəsi ASC-nin Xırdalan şöbəsindən məlumat verilib.

İdarə mövcud problemin kabel və transformatorun zədələnməsi ilə bağlı olduğunu bildirib:

"26-cı məhəllənin yarısında kabel, eyni zamanda transformator zədəli olduğundan işıq kəsilib. Kabelin düzəldilməsi tez başa gəlsə də, transformatorla bağlı müəyyən problemlərimiz olacaq. Bu gün səhər tezdən təmir işlərinə start verilib. Hazırda da işçilərimiz iş başındadır. Tez bir zamanda mövcud problemi aradan qaldırmağa çalışacağıq".

Qeyd edək ki, dünən axşam saatlarından Xırdalan şəhər 26-cı məhəlləsində işıq kəsilib.