Azərbaycanlılar Ukraynada Malayziya sərnişin təyyarəsinin vurulmasının III Dünya Müharibəsinin başlaması üçün bəhanə ola bilməyəcəyini düşünür.

Bu nəticəyə Axar.az-ın keçirdiyi sorğudan gəlinib.

1429 nəfərin iştirak etdiyi sorğuda respondentlərə "Malayziya sərnişin təyyarəsinin vurulması III Dünya Müharibəsini başlada bilərmi?" sualı ilə müraciət edilib. Sorğuda iştirak edənlərin 70%-i bu ehtimalla razı olmadıqlarını bildiriblər. 20% şəxs isə bunun əksini düşündüklərini vurğulayıblər. Respondentlərin 6%-i isə, ümumiyyətlə, belə bir suala cavab verməkdə çətinlik çəkdiklərini bildirib. Yerdə qalan şəxslər isə istənilən hadisənin onlar üçün maraqsız olduqlarını ifadə ediblər.

Qeyd edək ki, bir müddət öncə Ukrayna ərazisində terrorçular tərəfindən Malayziya sərnişin təyyarəsi vurulmuşdu. Təyyarənin vurulması nəticəsində 300-ə yaxın insan həyatını itirmişdi. Rəsmi Kiyev və Qərb bu hadisədə Moskvanı günahlandırmışdı. Onlar məhz Rusiyanın sayəsində bu qəzanın baş verdiyini bildirmişdilər. Qərb məhz buna görə Rusiyaya üçüncü dəfə sanksiyalar tətbiq edəcəyini söyləmişdi.