"Vaşinqton Türkiyə hakimiyyətini itirməmək üçün istənilən vasitədən istifadə edəcək".

Axar.az xəbər verir ki, bu açıqlama ilə rusiyalı politoloq Stanislav Tarasov çıxış edib. O, artıq Türkiyənin Rusiyanın vəziyyətinə düşdüyünü deyib:

"Amerikalılar borclu qalmırlar. Onlar Ərdoğan hakimiyyətini islamçı rejim kimi tanıyır, üstəlik onun hərbçilər və fətullahçılara qarşı əməliyyatlarında da hər zaman qarşısında olur. Vaşinqtonda da Ankara ilə münasibətlərin böhran vəziyyətində qiymətləndirilməsini arzulamırlar. Amma Amerika diplomatiyası bu ölkəyə münasibətdə yeni siyasət hələ də işləyib hazırlamayıb. Amerikalı ekspertlər xəbərdarlıq edirlər ki, ABŞ Türkiyəni Rusiyanı itirdiyi kimi itirə bilər. Əlbəttə, Ərdoğan prezident seçkilərində qələbə qazansa, Obama ilə barışacaq. Amma bu, çətin ki, Türkiyə-Amerika münasibətlərini düzəltsin. Yaxın Şərq hazırda çox dərin siyasi böhranın içərisindədir və heç kim hazırda onun nəticələrini söyləmək məsuliyyətini öz üzərinə götürmür. Türkiyə üçün yeni qərarlar zamanı yetişir".