"Bir abzas - yeddi rəng" layihəsində: Dördüncü rəng - Mavi

"Bir abzas - yeddi rəng" layihəsində yazıçı Kamal Abdulladır.

Səlim Babullaoğlu:

- Kamal Abdulla bizdə intellektual prozanın yeganə təmsilçisidir. O, Azərbaycan nəsri üçün, gənc nəsr tariximiz üçün yeni, unikal hadisədir. Onun prozasını da, poeziyasını da böyük maraqla oxumuşam. Ədəbiyyatımızda "ağılsız mətnlər" çoxdur, mən isə "ağıllı mətnləri" sevirəm. Onun "ağıllı mətnlərinin", "intellektual oyunlarının" arxasında dunya mifləri və bədii mətnlərinin qəhrəmanları ilə özünü identifikasiya edən usta və tənha yazıçı, yazıçı üçün aşırı həssas, bu üzdən əsəbi, bütün digər keyfiyyətləri ilə olduqca maraqlı bir insan dayanır.

Zahir Əzəmət:

- Yazıçı Kamal Abdulla dedikdə ilk ağlıma gələn bunlardır: Dil qatları, dilin metafizikası, labirint, mətnin sehri, mətn oyunları...

P.S. Kamal Abdullanın hekayələrindən ibarət "Sirri–Zəmanə" adlı yeni kitabını "Kitab Klubu" (Mustafa Sübhi 13), "Bukinist" (İstiqlaliyyət küç. 69H), "Kitabevim.az" Kitab Evi ("AK Center", 2-ci mərtəbə), "Əli və Nino" kitab dükanlarından, "Bayatı" kitab satış mərkəzindən, "Xan Xəzinəsi" kitab dükanlarından, "Papirus" Kitab Evindən əldə etmək olar.

Əvvəlki Abzaslar:

Bir abzas: Qan Turalıdan Kamal Abdullaya. Birinci rəng - Ağ

Mövlud Mövlud və Kəramət Böyükçöldən - Bir abzas. İkinci rəng – Qırmızı

Kənan Hacı və Aqşin Evrəndən - Bir abzas. Üçüncü rəng - Yaşıl