"Bir abzas - yeddi rəng" layihəsində Yazıçı Kamal Abdulladır.

İkinci rəng - Qırmızı

Mövlud Mövlud:

– Kamal Abdulla yaradıcılığını bir sözlə ifadə etməyimi istəsələr, belə cavab verərdim: "Axtarış". Yunan mifləri, sufi mətnləri, Borxesin sirri-ilahi hekayələri də bu axtarışa çıxmışdı, Kamal Abdulla da yaradıcılığında bu axtarışa çıxıb. Onun sonuncu hekayələr kitabı olan "Sirri-zəmanə"də də bu axtarış davam edir. Bu yolda biz ona uğur arzulaya bilmərik… Siz heç sufinin sufiyə, samurayın samuraya uğur arzuladığını gördünüzmü?

Kəramət Böyükçöl:

– Kamal Abdullanın "Yarımçıq əlyazma", "Sehrbazlar dərəsi" və "Unutmağa kimsə yox" romanlarını roman-trilogiya da adlandırmaq olar. İdeya və üslub telləri ilə bir-birinə bağlı bu romanların bədii-estetik gücü göz qabağındadır və qiymətini də alıb. O, Azərbaycan ədəbiyyatında intellektual romançılığın əsasını qoyub. Romanlarında sistemli və özəl dil konsepsiyası ilə çıxış edən Kamal müəllim Azərbaycan yox, Kamal türkcəsində yazır. Onun əsl qiymətini məncə, zaman verəcək.

P.S. Kamal Abdullanın hekayələrindən ibarət "Sirri–Zəmanə" adlı yeni kitabını "Kitab Klubu" (Mustafa Sübhi 13), "Bukinist" (İstiqlaliyyət küç. 69H), "Kitabevim.az" Kitab Evi ("AK Center", 2-ci mərtəbə), "Əli və Nino" kitab dükanlarından, "Bayatı" kitab satış mərkəzindən, "Xan Xəzinəsi" kitab dükanlarından, "Papirus" Kitab Evindən əldə etmək olar.

Əvvəlki Abzas

Bir abzas: Qan Turalıdan Kamal Abdullaya. Birinci rəng - Ağ