Şotlandiyanın müstəqilliyi İngiltərəyə baha başa gələ bilər.

Axar.az xəbər verir ki, bu ölkə müstəqil olacağı təqdirdə Şimal dənizində neft yataqların bir hissəsi Şotlandiyanın ərazisi hesab olunacaq ki, bununla da İngiltərə təxminən 1 trilyon sterlinq itirəcək.

1970-ci illərdən bəri Şimali dənizindəki neft ehtiyatlarından 1,1 trilyon sterlinq dəyərində gəlir əldə edildiyi bildirilir. Bu gəlirlərin təxminən 330 milyard sterlinqi şirkətlərdən gələn vergilər olsa da əsas gəlir həmin ərazidəki quyulardan əldə edilib.

Mütəxəssislərin hesablamalarına görə, Şotlandiyanın ərazisinə daxil olacaq quyularda təxminən 16,5 milyard barrel neft mövcuddur. Bu da təxminən 1 trilyon sterlinq dəyərində qiymətləndirilir.

Xatırladaq ki. sentyabrın 18-də şotlandlara "Şotlandiyanın müstəqil olmalıdır?" sualı veriləcək. "Bəli" deyənlər çox olarsa o zaman bu ölkə 24 mart 2016-cı ildə rəsmən Birləşmiş Krallıqdan ayrılacaq.