Ana səhifə İdman |
Bu gecə nəfəskəsən həyəcanlı marafon start götürür.
Axar.az xəbər verir ki, 2014/2015 mövsümü üzrə Çempionlar Liqası qrup mərhələsinin ilk oyunları baş tutacaq. Qoca qitənin ən nüfuzlu turnirində azərbaycanlı azarkeşlərin səbirsizliklə gözlədiyi matç "Qalatasaray" –"Anderlext" qarşılaşmasıdır. "Cimbom" Türk Telekom arenada Belçika klubunu sınağa çəkəcək.
Türk aslanının şansları yüksək qiymətləndirilsə də, rəqib heç də zəif sayılmaz. Artıq "Qalatasaray"ın "11"liyi də hazırdır; qapıda Muslera, müdafiədə Veysel, Semih, Chedjou, Telles, orta xətdə Melo, yarımüdafiənin cinahlarında Dzemaili, Selçuk İnan və Sneijder yer alacaq, "Cimbom"un bu gecə vuran ayağı Burakla Pandevə tapşırılıb.
Paralel olaraq saatlar Bakı vaxti ilə 23:45-i göstərəndə daha 7 qarşılaşma keçiriləcək. A qrupunda "Benfika" öz meydanında "Zenit"i, "Yuventus" isə "Malmö"nü qəbul edəcək. B qrupunda "Liverpul" evdə sürpriz şəkildə qrup mərhələsinə vəsiqə qazanan "Ludoqorets"i sınağa çəkəcək.
Qrupun digər oyununda "Real" (Madrid) klubu "Bazel"lə münasibətlərinə aydınlıq gətirəcək. C qrupunda "Bayer" (Leverkuzen, Almaniya) klubu Fransada "Monako"nun, "Atletiko" (Madrid, İspaniya) klubu isə Yunanıstanda "Olimpiakos"un qonağı olacaq.
00:50
"Anderlext"in gənc oyunçusu Denis Prayet matçın 52-ci dəqiqəsində hesabı açdı 0-1.
01:32
"Qalatasaray" komandası matçın əsas vaxtına əlavə edilmiş 90+1-ci dəqiqəsində Burak Yılmazın qolu ilə hesabı bərabərləşdirdi. Qarşılaşma 1-1 hesabı ilə yekunlaşdı.
Tarix
2014.09.17 / 01:32
|
Müəllif
Emin Aslanlı
|