Ana səhifə Planet |
Neftin bir barrelinin qiymətinin 40 dollara düşəcəyi halda Qazaxıstanın öz fəaliyyət planı var. Odur ki, qazaxlar neftin qiymətinin oynadığı dövrdə narahat olmaya bilərlər.
Axar.az RİA Novosti-yə istinadla bildirir ki, bu fikirləri Qazaxıstan Prezidenti Nursultan Nazarbayev səsləndirib.
"Böhrandan sonra iqtisadiyyatın dirçəlişi başlayıb, neft və qaz istehlakı artıb. Deməli, neft və qazın qiyməti qalxacaq. Öz durumumuza qayıdaq. Mən artıq elan etmşəm ki, sosial öhdəliklər heç bir halda məhdudlaşdırılmayacaq. Yəni pensiyalar, büdcə təşkilatlarının maaşları, müdafi sahələri və digərləri... Qoy Qazaxıstan əhli narahat olmasın", - deyə Nazarbayev bu gün ölkə telekanallarının nümayəndələri ilə görüşündə bildirib.
Onun sözlərinə görə, neftin bir barrelinin qiyməti 70, 60, 50 və hətta 40 dollar olacağına belə Qazaxıstan hazırdır. "O, artıq mənim sərəncamımdadır. Ona görə belə cəsarətlə danışa bilirəm ki, bizim qara günlərdə əhalini saxlamaq, onun yaşayışının pisləşməsinin qarşısını almaq üçün ehtiyatımız var. Başqa sözlə, qoy xalq rahat olsun", - dövlət başçısı əlavə edib.
Tarix
2014.12.21 / 23:08
|
Müəllif
Pərviz Həsənov
|