"Zamanında Qərb Suriya və Yaxın Şərqdə baş verənlərə bütün hadisələrdə olduğu kimi ikili yanaşmasaydı, bu gün Parisdə hücum olmazdı".

Axar.az xəbər verir ki, bu açıqlama ilə politoloq Vüqar Zifəroğlu çıxış edib. Politoloq rəsmi Parisin Qərbin ikili yanaşmasının qurbanı olduğunu bildirib:

"İŞİD Parisdə Avropaya meydan oxudu. Bununla da Suriyada üç ilə yaxındır ki, davam edən qətliamların bir ucunun əslində onlara da toxuna biləcəyini anlatdı. Zamanında Qərb Suriya və Yaxın Şərqdə baş verənlərə bütün hadisələrdə olduğu kimi ikili yanaşmasaydı, bu gün Parisdə hücum olmazdı. Bu gün Paris üç il bundan əvvəl Suriya müxalifətinin bütün çağırışlarına rəğmən Əsədə münasibətdə, il yarim bundan əvvəl isə Türkiyənin çağırışlarına rəğmən İŞİD-ə münasibətdə Qərbin ikili yanaşmasının bədəlini ödəməkdədir. Və bu peşmanlığı Fransa Prezidenti Fransua Olland artıq etiraf etdi. Lakin artıq gecdir. "Müsəlmanlar biri-birini qırsınlar, bizə nə", - fəlsəfəsi ilə yanaşarsansa, olacağı budur".

Qeyd edək ki, bu gün Parisdə "Şarli Hebdo" ("Charlie Hebdo") jurnalının redaksiyasına edilən hücum nəticəsində 12 nəfər həlak olub, 10 nəfər isə yaralanıb.