Ölkəmizdə də kifayət qədər pərəstişkarı olan türkiyəli müğənni, aktyor və rejissor Mahsun Qırmızıgülün sonuncu filmi "Möcüzə"nin Türkiyənin müxtəlif şəhərlərindəki təqdimatı davam edir.

Axar.az xəbər verir ki, Mahsun Qırmızıgül çəkdiyi 4-cü filmi ilə bağlı bu sözləri deyib: ""Möcüzə" filmi ekranlara çıxdığı 18 gün ərzində 2 milyondan çox adam tərəfindən izlənilib".

Müasir türk filmlərini tənqid edən Qırmızıgül belə davam edib: "Artıq Mahsun Qırmızıgül filmlərinə az-çox bələddirlər. Çünki biz çox böyük əmək sərf eləyirik. Yanlış anlaşılmasın, amma Türkiyədə artıq 3-4 ayda bir film çəkilir. Bu filmlər 1.5-2 il üzərində işləyəndən sonra ekrana çıxır. Biz bu gün "Möcüzə"nin gedişatından çox məmnunuq. Film göstərilməyə başlanandan 2 milyondan çox tamaşaçı tərəfindən izlənilib. Həftə sonuna yəqin ki, bu rəqəm 2 milyon yarıma çatar. Çox xoşbəxtik".

Xatırladaq ki, Mahsun Qırmızıgül bundan öncə "Bəyaz mələk", "Günəşi gördüm", "Nyu Yorkda beş minarə" adlı 3 film çəkib. "Möcüzə" filmi 2 həftədir ki, Azərbaycan kinoteatrlarında da nümayiş olunur.