Yaponiyanın Baş naziri Şinzo Abe "İslam Dövləti" (İŞİD) qruplaşmasının 24 saat ərzində girov Kenji Qotonu öldürəcəyi ilə bağlı verdiyi açıqlamanın üzücü olduğunu bildirib.

Axar.az xarici mətbuata istinadən xəbər verir ki, paylaşılmış videoda Qotoya bənzər biri deyib ki, o və bir iordaniyalı pilotun həyatı haqqında İordinayanın ölüm hökmü vermiş olduğu bir iraqlı qadını azad etməsindən asılıdır.

Baş nazir Abe bildirib ki, Yaponiya İordaniya ilə girovların təhlükəsizliyi barədə danışıqlar aparır.

Videoda o da deyilir ki, Qotonun yalnız 24 saat vaxtı var. Əgər iraqlı qadın Sacidə Əl Rişavi azad edilməzsə, iordaniyalı girovun ondan da az ömrü qalıb.

Əl Qaida üzvü olan Rişavi 2005-ci ildə 60 nəfərin ölümünə görə həbs edilib.

Xatırladaq ki, tanınmış jurnalist və sənədli film rejissoru 47 yaşlı Kenji Qoto oktyabrda Suriyaya digər yaponiyalı Haruna Yukavanın həyatını qorumaq üçün gedib.

Təyyarəsi İŞİD-in nəzarət etdiyi ərazidə qəzaya uğradıqdan sonra pilot dekabrda girov götürülüb.