Ana səhifə Gündəm |
Zərdab icra başçısının müavini oğlunu cəzalandırıb.
Axar.az-a daxil olan məlumata görə, Allahverdi Səfərov övladı Ceyhunu danlayıb. Onun sərxoş vəziyyətdə avtomobil idarə etməsi xəbərinin ictimailəşməsinə görə rayon icra başçısının da öz müavininə töhmət verdiyi bildirilir.
Xəbərdə qeyd olunur ki, icra başçısı Lütfəli Babayev müavinindən oğlunu tərbiyə etməyi tələb edib.
Hadisə martın 22-si, saat 16.00 radələrində baş verib. Ceyhun Səfərov sərxoş vəziyyətdə avtomobil idarə etdiyi üçün polis tərəfindən saxlanılıb. Zərdab Rayon Məhkəməsi tərəfindən C.Səfərov barəsində İnzibati Xətalar Məcəlləsinin 310.1-ci maddəsi ilə inzibati qaydada 5 sutka müddətinə həbs cəzası tətbiq edilib. Ceyhun Səfərovun həbs müddəti martın 27-də başa çatıb.
Atası Azvision.az-a deyib ki, oğlu ona bir də spirtli içki içməyəcəyinə söz verib:
"İndi o, cəzasını çəkib azadlığa çıxıb. O, azadlığa çıxandan sonra içki içməməsi ilə bağlı ona xəbərdarlıq etdim. İçkinin ziyanları barədə ona tövsiyələrimi bildirdim. O daha araq içməyəcək".
Tarix
2015.03.31 / 01:30
|
Müəllif
Emin Aslanlı
|