Ana səhifə Planet |
"Gələn ildən etibarən 23 il müddətində baş katib vəzifəsində işləmiş Spenser Oliveri Roberto Montella əvəz edəcək".
Axar.az xəbər verir ki, bu haqda Prezident yanında Qeyri-Hökumət Təşkilatlarına Dövlət Dəstəyi Şurasının sədri, millət vəkili Azay Quliyev öz Feysbuk hesabında məlumat verib. O bildirib ki, yeni namizəd ATƏT PA-ya öz müsbət töhfəsini verəcək:
"Dünən Kopenhagendə ATƏT PA-nın 7 saat davam edənbBüro iclasında yeni baş katiblə bağlı son qərarı çətinliklə də olsa qəbul etdik. 8 turdan sonra 2/3 səslə İtaliyadan olan namizəd Roberto Montellanı gizli səsvermə yolu ilə baş katib vəzifəsinə seçə bildik. Büronun bu qərarı cari ilin iyul ayının 5-də Helsinskidə ATƏT PA-nın Daimi Komitəsində təsdiq olunmalıdır. Gələn ildən etibarən 23 il baş katib vəzifəsində işləmiş Spenser Oliveri Roberto Montella əvəz edəcək. Ümid edirəm ki, büronun bu seçimi ATƏT PA-nın gələcək fəaliyyətinə öz müsbət töhfəsini verəcək".
Tarix
2015.04.27 / 12:13
|
Müəllif
Aygün Yusibova
|