Ana səhifə Gündəm |
Onunla ölümündən cəmi 2 gün öncə danışmışdıq.
Mərhum politoloq Vəfa Quluzadəyə Publika.az-ın "Siyasətsiz siyasətçi" rubrikasına müsahibə üçün müraciət etmişdik. İndi vaxtı olmadığını, amma mütləq gələcəyini söz vermişdi. Amma... Amma ölüm imkan vermədi. Dünən gecə sabiq dövlət müşavirinin vəfat etdiyini eşitdik.
V. Quluzadənin yayımlanmamış açıqlamasını təqdim edirik.
"Mən həmişə demişəm, yenə deyirəm: Qarabağ probleminin həlli
üçün ya Rusiya oyundan çıxmalı, ya da bu ölkənin imperiya
ambisiyaları aradan qalxmalıdır. Moskva oyundan çıxmaq istəmir.
Çünki Qarabağ münaqişəsi Rusiyanın Azərbaycan və Ermənistan
üzərində təsirini və regionda mövcudluğunu gücləndirir. Lazım
olanda Ermənistana bir göstərişlə cəbhədə gərginliyi artırır.
Yeganə ümid Rusiyanın imperiya ambisiyalarından əl çəkməsidir. Bunu
Qərb edə bilər, lakin hələ ki üfüqdə belə bir perspektiv görünmür.
İmperiya ambisiyaları Rusiyanın, rus xalqının öz ziyanınadır.
Çünki gec, ya tez bütün imperiyalar kimi bu imperiya da dağılacaq.
O zaman, Dağlıq Qarabağ münaqişəsinin ədalətli həlli olacaq. Həmin
vaxt Ermənistan da işğal etdiyi Azərbaycan torpaqlarını öz istəyi
ilə geri qaytaracaq. Bunun konkret nə vaxt baş verəcəyini deyə
bilmərəm, lakin mütləq olacaq. Tarix bunu deməyə əsas verir", -
deyə V. Quluzadə son açıqlamasında belə demişdi.
Vəfa Quluzadə Qarabağın qayıtdığı günə qədər yaşaya bilmədi. Amma
onun ruhu bu günü mütləq səmadan seyr edəcək!
Tarix
2015.05.02 / 11:17
|
Müəllif
Axar.az
|