Ana səhifə Planet |
Dünya mediası Əfqanıstanda kütlənin linç edib öldürdüyü Fərxundədən danışır. O Fərxundə ki, Türkiyədə Özgəcan cinayətinin analogiyası da sayıla bilər.
Əfqanıstanda qadın hüquqlarının vəziyyəti və dini cahillik nə
qədər acınacaqlı olsa d, Fərxundəyə qarşı tükürpədici cinayətə görə
Kabildə minlərlə qadın etiraz nümayişləri keçirib. Amma iş işdən
keçəndən sonra…
Axar.az xəbər verir ki, Fərxundəyə sürülən ittihamlar təsdiqini
tapmayanda və avam kütlə səhvini anlayanda artıq onu vəhşicəsinə
qətlə yetirmişdilər. Bu günlərdə isə onun ölümündə təqsirli bilinən
dörd kişi artıq ölüm hökmünə məhkum edilib. 27 yaşlı qadın Quranı
yandırmaqda ittiham edilirdi. Sonradan onun bunu etmədiyi aydın
olub. Gənc qadının döyülərək öldürülməsi ittihamı ilə ümumilikdə 49
nəfər məsuliyyətə cəlb olunub. Məhkəmə ölüm hökmünü 4 saatlıq
dinləmə nəticəsində çıxarıb.
Bundan başqa, daha 8 nəfər 16 il müddətinə azadlıqdan məhrum
edlib. 18 nəfərin təqsiri sübut olunmayıb.
Fərxundə əvvəlcə izdiham tərəfindən daşqalaq edilmiş, sonra isə
onun cəsədi küçələr boyunca sürüklənmiş və yandırılmışdı.
Müstəntiqlərin qənaətinə görə, səbəb qadının bir molla ilə
mübahisəsi olub. Bu molla məşhur Şəhdü-Şəmşir pirinə gələn
qadınlara xırdavat satmaqla məşğul imiş. Fərxundanın məhz buna görə
də molla ilə mübahisə etdiyi və yalnız bundan sonra Quranı
yandırmaqda şərləndiyi bildirilir.
Müttəhimlərdən bir çoxu bu yalanın təsiri altına düşdüklərini etiraf ediblər. Mollanın şərinə inananlar bu iyrənc addımı atıblar.
Gənc qadının linç edilməsi kadrlarını təqdim edirik.
Tarix
2015.05.07 / 01:39
|
Müəllif
Emin Aslanlı
|