Vətəndaş Həmrəyliyi Partiyası (VHP) və Dünya Azərbaycanlıları Konqresinin (DAK) birgə təşkilatçılığı ilə Güney Azərbaycan Milli Hökumətinin 70-ci ildönümü münasibətilə beynəlxalq konfrans keçirilib.

Axar.az xəbər verir ki, konfrans VHP-nin mərkəzi qərargahında baş tutub.

Konfransda Təbriz və Güney Azərbaycanın digər şəhərlərində "İran" qəzetinin Azərbaycan türklərini təhqir etməsinə etiraz olaraq 2006-ci il mayın 22-də başlanan "Xordad" hərəkatının 9-cu ildönümü də qeyd edilib.

Konfransda Milli Hökumətdə təmsil olunan şəxslər, siyasətçilər, millət vəkilləri, tarixçi alimlər çıxış ediblər və "Güney Azərbaycan: dünən və bu gün" mövzusunda müzakirələr aparılıb.