Vaşinqtonun nəqliyyat rəsmiləri Məhəmməd Peyğəmbərin karikaturasının metroda nümayiş etdirilməsinin qarşısını alıblar.

Axar.az xəbər verir ki, belə bir təşəbbüslə azad ifadə kampaniyaçı qruplarından biri çıxış etmişdi. Amerika Azadlığı Müdafiə Təşəbbüsü adlı qrup Məhəmməd peyğəmbərin Texasda keçirilmiş sərgidə qalib gəlmiş karikaturasını nəqliyyatda nümayiş etdirmək istəyirdi. Bu ayın əvvəllərində keçirilmiş həmin sərginin yaxınlığında polis iki silahlını öldürmüşdü.

Vaşinqtonun nəqliyyat rəhbərliyi metroda bütün növdən olan siyasi, dini və təbliğat plakatlarının nümayiş etdirilməsini yasaqlayıb. AFDI-nin təsisçisi Pamela Geller nəqliyyat rəhbərliyinin qərarını azad ifadə üzərinə hücum kimi pisləyib.