Ana səhifə Planet |
Onların söylədikləri hər şeyin içində bir AKP sevdası yatır. Ancaq bu ağır ittihama baxmayaraq, ölkənin problemlərinin həlli, insanlarımızın azadlığı üçün MHP ilə bir masa ətrafında oturub müzakirə aparmağa hazırıq.
Axar.az xəbər verir ki, bu açıqlamanı HDP lideri Səlahəddin Dəmirdaş Türkiyədə koalision hökumət qurulması haqda danışarkən verib. Partiya başqanı MHP-ni AKP-yə gizli dəstək verməkdə ittiham etməklə yanaşı dialoqa hazır olduqlarını bəyan edib.
CNN-türk-ə danışan Dəmirdaşın fikrincə, MHP HDP-yə qarşı düşmən münasibətinə görə AKP-siz koalision hökumət qurulması təklifindən imtina etməyə başlayıb. Məclis başqanlığı seçimində AKP-nin önünü açırlar.
AKP siyasətinin bir daha Türkiyədə hakim olması üçün MHP örtülü bir dəstək verir. Ancaq bunu açıq şəkildə bəyan edə bilmədiklərinə görə HDP-yə hücum edirlər, aqressiv tonda çıxış edirlər".
HDP liderinin sözlərinə görə, onların heç bir siyasi qüvvəyə qarşı kin-küdurəti yoxdur və dialoqa hər zaman hazırdırlar: "Xalq bizə səs verərək Məclisə göndərdi və bunun haqqını tələb edir. Biz Məclisdə olduğumuz dövrdə barış, qardaşlıq və ədaləti xalqımıza vermək istəyindəyik.
Tarix
2015.07.02 / 22:47
|
Müəllif
Emin Aslanlı
|