Ana səhifə Planet |
"Türkiyənin türkmanlardan ibarət 5 minlik briqada yaradacağı ilə bağlı yayılan xəbərlərdən məlumatımız yoxdur".
Axar.az xəbər verir ki, bu sözləri Suriya Türkman Məclisinin rəhbəri Tarıq Sulo Cevizi bildirib.
Cevizi Türkiyənin bu planından xəbərsiz olduqlarını bildirsə də,
türkmanlardan ibarət briqadanın yaradılmasını hər zaman
dəstəklədiklərini qeyd edib:
"Bizim tanışlarımızın bu barədə heç bir məlumatı yoxdur. Ancaq
əvvəldən bizim arzumuz bu olub. Bizim regionlarımız tamamilə işğal
altındadır. Həm İŞİD, həm PYD, həm də Əsəd işğalı altındadır. Bir
təhlükəsiz zonanın elan edilməsini uzun müddət idi ki, istəyirdik.
Üç-dörd ildir ki, biz bunu deyirik. Biz bölgənin türkmanların və
oradakı mötədil müxalifətin nəzarətində olmasını istəyirik".
Cevizi təhlükəsiz zona ilə bağlı fikirlərini belə açıqlayıb:
"Sözügedən region Fərat çayından Kilis sərhədinə qədər uzanır. Türkman bölgəsi 110 kilometrlik ərazidir. Suriyada əhalinin ən sıx olduğu regiondur. Kəndlər arasındakı məsafə bəzən 300 metrə qədər enir. Burada 1,5 milyon insan yaşayır. Əhali sıxlığı nəzərə alınanda 5 minlik briqadanın yaradılması ağlabatandır".
Tarix
2015.07.29 / 20:16
|
Müəllif
Pərviz Həsənov
|