Seçki yaxınlaşdıqca Türkiyədə siyasi ab-hava daha da qızışacaq.

Bu sözləri Axar.az-a açıqlamasında analitik Vüqar Zifəroğlu deyib.

O, Türkiyəyə qarşı təzyiqlərin artacağını da istisna etməyib:

"Türkiyə son dərəcə ciddi və narahatlıq doğuran bir dövrə qədəm qoyur. Seçki yaxınlaşdıqca bölücü terror qruplaşmalarının fonunda ölkəyə qarşı təzyiqlər artacaq. Bütün bu baş verənlər nəinki Türkiyənin daxilində gedən siyasi proseslərə, birmənalı şəkildə Yaxın Şərqə də təsir göstərəcək. Bunun işartılarını indidən görmək mümkündür. Maraqlı məqam ondan ibarətdir ki, xarici faktorlar və daxildəki bölücü qruplaşmaların fonunda Türkiyəni daxili qarşıdurmaya sürükləmək istəyən gizli qüvvələr də dinc dayanmayacaqlar. Bir sözlə, qarşıda ölkədə gərgin siyasi qarşıdurmaların şahidi olacağıq".