Ana səhifə Planet |
Norveçin TV2 kanalında yeni teleserial yayımlanacaq. Ölkənin ən bahalı televiziya işi olacaq "Okkupert" (İşğal altında) serialında Rusiya yaxın gələcəkdə Norveçi işğal edəcək.
Axar.az xəbər verir ki, serialda Avropa Birliyi də tənqid olunur. Ssenariyə görə, rus işğalına Brüssel liderlik edəcək.
AB adına Norveçi işğal edən Rusiya da öz növbəsində ölkənin neft qaynaqlarına nəzarət edərək yalnız vətəndaşların gündəlik həyatına davam etməsinə icazə verəcək.
TV2 təqdimatı baş tutan filmin büdcəsi təxminən 11 milyon dollar olacaq. Serialın 27 sentyabrdan tamaşaçılara təqdim ediləcəyi gözlənilir.
Rusiyanın Oslodakı səfiri Andrey Kulikov II Dünya Savaşının 70-ci ildönümündə belə bir serialın çəkilməsini tənqid edib. O, televiziya filminin uğursuz olacağını deyib:
"Serialın yazarları əslində olmayan bir təhlükədən söz açıblar. Bununla da onlar tamaşaçını qorxudurlar. Belə görünür ki, ssenaristlər Sovet ordusunun faşistlərə qarşı Norveçin şimalında savaşdığını unudublar".
Tarix
2015.08.27 / 20:59
|
Müəllif
Şəmsəddin Ənsar
|