Məşhur filosof Aristotelin heykəli yararsız vəziyyətə düşüb.

Axar.az xarici mətbuata istinadən xəbər verir ki, Türkiyənin Çanaqqala bölgəsinin Bəhramqala ərazisində yerləşən və antik dövrün ən böyük liman şəhərlərindən sayılan Assosda tikilən heykəl dağıdılıb.

Əldə olunan məlumata görə, 6 il əvvəl Türkiyə Mədəniyyət və Turizm Nazirliyinin təşəbbüsü ilə tikilən 2.5 metr hündürlüyü olan heykəli dağıdan şəxslərin kimliyi hələlik məlum deyil.

Heykəlin bərpa edilməsi üçün İzmirə göndərildiyi və təmirdən sonra yenidən əvvəlki yerinə qaytarılacağı bildirilib.

Xatırladaq ki, "Assos" məşhur filosofun adından götürülüb və yaşadığı dövrdə bu ərazidə tədris ocağı açdığı üçün şəhər onun şərəfinə belə adlandırılıb.