Ana səhifə Kult |
Erməni əsilli məşhur fransız müğənni Şarl Aznavur Fransada çap olunan "Nouvelles Armenie" adlı erməni jurnalına müsahibə verərək Türkiyə və türk xalqı ilə bağlı sualları cavablandırıb.
Axar.az xəbər verir ki, Ermənistan və Türkiyə arasında düşmənçilik münasibətləri olmasaydı, türklərin dünyada ən böyük sənətçisi ola biləcəyi ehtimalını bildirən sənətçi ən yaxın dostunun da türk olduğunu və türkləri çox sevdiyini söyləyib:
"Bu yaxınlarda bir nəfər mənə "Əgər heç bir şey yaşanmasaydı, türklərin dünyada ən böyük sənətçisi siz olardınız", - dedi. Bunu demək lazımdır. Bəli, bu həqiqətdir".
Türk və ermənilərin bir-birinə çox bənzədiyini və bənzəməyə davam edəcəyini deyən Aznavur yunan əsilli fransız müğənni və aparıcı Nikos Aliaqasla arasında keçən dialoqu xatırladıb: "Bu yaxınlarda Aliaqasla birlikdəydim, ermənicə və yunanca söyüşlər haqqında danışırdıq, amma həqiqətdə söyüşlərin hamısı türkcə idi. Bu da bizi güldürdü".
Erməni mətbəxinin türk mətbəxinə çox oxşadığını söyləyən Aznavur türk musiqisini də çox sevdiyini bildirib.
Tarix
2015.09.04 / 11:06
|
Müəllif
Nilufər Muğantürk
|