Ana səhifə Gündəm |
Rumıniyanın məşhur qəzetində Ermənistanın təcavüzkar siyasətindən bəhs edən məqalə dərc olunub.
Axar.az Azərtac-a istinadən xəbər verir ki, məqalə Rumıniyanın "Evenimentul Zilei" (Günün Hadisəsi) qəzetində dərc edilib. Müəllif sabiq prezident Trayan Baseskunun xarici siyasət, təhlükəsizlik və strateji məsələlər üzrə müşaviri Yulian Kifunundur. Məqalə "Odla oynamaq: Ermənistan işğal etdiyi Dağlıq Qarabağı və Azərbaycanın 7 rayonunu öz ərazisi elan etdi" sərlövhəsi altında dərc edilib.
Yazı Rumıniyanın bir çox KİV-ləri tərəfindən yayınlanıb. Burada Ermənistanın mövqeyində köklü dəyişikliklərin olduğu, işğal etdiyi Dağlıq Qarabağı və Azərbaycanın 7 rayonunu öz ərazisi elan etməsi göstərilib.
Məqalədə qeyd edilib ki, bu bəyanat Ermənistanın təcavüzkar ölkə olduğunu bir daha təsdiq edir. Müəllif Ermənistanın bu addımını Avropanın sərhədlərinin silah gücünə dəyişdirilməsi, Dağlıq Qarabağ münaqişəsinin həlli ilə bağlı danışıqlarda qeyri-konstruktiv mövqe nümayiş etdirməsi kimi səciyyələndirir.
Tarix
2015.10.09 / 15:12
|
Müəllif
Nigar İxtiyarqızı
|