Türkiyədə təşkil edilən G20 liderlər zirvəsinin ilk günündə Rusiya Prezidenti Vladimir Putin ilə amerikalı həmkarı Barak Obama arasında baş tutan qısa görüşdə maraqlı məqam üzə çıxıb.

Axar.az xəbər verir ki, görüş zamanı kameralar qarşısına keçən naməlum şəxsin "casus" olduğu iddia edilib.

İki liderin yalnız tərcüməçiləri ilə qatıldığı sürpriz görüşdə Obama və Putindən daha çox diqqət çəkən "casus" eyni zamanda təcrübəsizliyi ilə seçilib. O, kameralara gülümsəyərək özünü itirib.

Sosial şəbəkələrdə gülüş hədəfi olan bu şəxsin əlindəki çantada quraşdırılan gizli kamera vasitəsi ilə görüşü lentə aldığı iddia edilib.