Yeni açacağım prodakşnda filmlər, kliplər, konsertlərin təşkili nəzərdə tutulub.

Bu sözləri tanınmış rəqqasə Oksana Rəsulova yeni yaratdığı "OksiMedia" adlı prodakşn haqda Axar.az-a danışarkən deyib. O, prodakşnın artıq fəaliyyətə başladığını bildirib:

"Özümü bu sahədə də sınamaq qərarına gəldim. Yeni açacağım prodakşnda filmlər, kliplər, konsertlərin təşkili və bir sıra işlər nəzərdə tutulub. Bu işlərdə mənə icraçı direktor Niyazi Əliyev yardım edəcək. Artıq bir film də çəkmişik. Rejissoru Samir Kərimoğlunun olduğu filmin adı "Şər qarışanda" adlanır.

Bu yaxınlarda media nümayəndələri ilə görüşəcəyəm. Həmin görüşdə isə bütün bu işlər barədə ətraflı məlumat verəcəyəm".