Sakinlərin istilik haqlarının ödənilməsində heç bir problem yoxdur.

Bunu Axar.az-a istiliyin verilməsi problemi ilə bağlı danışarkən Azəristiliktəchizat ASC-nin abonent və müştəri xidmətinin rəisi Rafiq Əliyev söyləyib. Onun sözlərinə görə, 2014-2015-ci illər üzrə abonetlərin 95 faizi istilik haqlarını ödəyib:

"Ödənişlə bağlı heç bir problem yoxdur. Sakinlərin istilik haqlarını ödəməsi üçün hər cür şərait yaradılıb. Abonentlərimiz fərdi kodları vasitəsilə istənilən bank və poçt filiallarında, həmçinin onlayn rejimdə çalışan istənilən ödəmə sistemi və aparatları vasitəsi ilə istilik haqlarının ödəyə bilərlər".

Xatırladaq ki, Azəristiliktəchizat ASC-nin Azəriqaz İstehsalat Birliyinə 3 milyon manat borcu olduğundan istiliyin verilməsində gecikmələr olmuşdu. Nəticədə ölkədə əhalinin istiliklə təmin olunmasında ciddi problem yaranmışdı. Hazırda bu problem həllini tapmaqdadır.