İsveç miqrant böhranının həllində Azərbaycanın təcrübəsindən yararlana bilər.

Axar.az xəbər verir ki, bu sözləri Azərbaycanda səfərdə olan İsveç Krallığının Xarici İşlər naziri Marqot Vallström baş nazirinin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənovla görüşündə deyib.

Xanım nazirin sözlərinə görə, İsveç Avropada adambaşına düşən qaçqınların sayına görə birinci yerdədir.

"İsveçə gələn qaçqınların əksəriyyəti valideynləri olmayan uşaqlardır, onların təhsil, səhiyyə və digər sahələrdə olan problemlərinin həlli müəyyən çətinliklər yaradır. Buna görə Azərbaycanın bu sahədəki təcrübəsi İsveç üçün çox önəmlidir. Səfərin əsas məqsədi gələcək əməkdaşlığımızı daha da genişləndirmək və bununla bağlı mövcud potensialı öyrənməkdir", - səfir qeyd edib.