Rusiyanın Xarici İşlər naziri Sergey Lavrov Münhen Təhlükəsizlik Konfransında Suriya lideri Bəşər Əsədi müdafiə edib.

Axar.az xəbər verir ki, humanitar problemlərin yaranmasında Əsədin günahkar olmadığını deyən Lavrov müxaliflərin Suriyada xaos yaratdığını bildirib:

"BMT və humanitar yardım agentlikləri bölgədə bütün tərəflərin beynəlxalq humanitar hüququ pozduğunu deyir. Mühasirə altında olan şəhərlərə gəlincə, yalnız Bəşər Əsəd mühasirəyə almır. Yaşayış məntəqələrinin əksəriyyəti müxalif qrupların nəzarətindədir. Fikrimcə, Əsədi, yaxud terrorçular istisna olmaqla digərlərini günahlandırmağa ehtiyac yoxdur. Humanitar məsələlər yalnız əməkdaşlıq yolu ilə həll edilə bilər".