ABŞ-ın müdafiə sənayesi şirkətləri Ukraynaya hərbi texnologiya sahəsində yardım edəcək.

Axar.az xəbər verir ki, bu barədə ABŞ-ın Kiyevdəki səfiri Ceffri Payett məlumat verib.

Səfirin sözlərinə görə, bunun üçün Kiyev hökuməti korrupsiya ilə mübarizə və NATO standartlarına keçid sahəsində tədbirlər həyata keçirməlidir.

"Bu şirkətlər Ukraynaya dünyanın ən böyük texnoloji yeniliklərini gətirə bilər. Ukrayna ordusunun 2016-cı ildə hədəfi Rusiya ordusunun manevrlərinə ani reaksiya vermək və NATO standartlarında hərbi strukturlar qurmaq üçün ABŞ ilə əməkdaşlığı artırmaqdır", - səfir qeyd edib.

Xatırladaq ki, 2014-cü ilin martında Krımın ilhaqından sonra Vaşinqton Ukraynaya 266 milyon dollar hərbi yardım edilməsi barədə qərar qəbul edib.