Ana səhifə Toplum |
Gəncədə ötən gecə güllələnən idmançı, kikboks üzrə ikiqat Azərbaycan çempionu Elmir Cəlilovla bağlı yeni məlumatlar üzə çıxıb.
Onun idmançı dostu Anar Məmmədov Musavat.com-a bildirib ki, Elmir Cəlilov yaşı ilə əlaqədar bir müddət əvvəl idmandan uzaqlaşıb. O, Gəncədə bərbərliklə məşğul imiş:
"Çox mərifətli oğlan idi. Gəncədə ən hörmətli idmançılardan biri Elmir idi".
Anar Məmmədov bildirib ki, Elmir Cəlilov kriminal aləmdən uzaq olub, heç kimlə ədavəti yox imiş:
"Elmir Cəlilov ailəlidir. İki övladı - qızı və oğlu var. Həyat yoldaşı hamilədir və təxminən iki ay sonra üçüncü övladları dünyaya gəlməlidir".
Gəncədəki mənbələr qətlin səbəbləri ilə bağlı mövcud ehtimalları da açıqlayıb. Hazırda qətllə bağlı iki versiya dolaşır - namus məsələsi və ya borc pul söhbəti.
Faktla bağlı Gəncə şəhər Prokurorluğunda araşdırma aparılır.
Tarix
2016.02.21 / 16:44
|
Müəllif
Axar.az
|