Ermənistan Prezidenti Serj Sərkisyanın arvadı Rita Sərkisyan Mixail Saakaşvilinin xanımı Sandra Rulofsun ofisində Azərbaycanın birinci xanımı Mehriban Əliyevanın fotosunu görərkən çox təəccüblənib.

Axar.az xəbər verir ki, bu barədə Sandra Rulofs "Rustavi-2" kanalında yayımlanan "Vanos şou" proqramında danışıb.

"Mən ona Mehriban Əliyevanın 5 şəklini göstərdim. Orada Ermənistanın keçmiş prezidenti Robert Köçəryanın xanımı Bellanın da şəkli var idi. Lakin Ritanın fotosu yox idi. Əlbəttə, bu məqamda bir az özümü narahat hiss etdim", - Sandra Rulofs deyib.

O bildirib ki, Rita Sərkisyan Mehriban Əliyevanın fotosunu görərkən özünü saxlaya bilməyib:

"Mehriban xanımın (təəccüblənir – red.) burda başqa şəkli də var. Sandra, siz çox mehribansınız", - Sərkisyanın arvadı bildirib.

Gürcü həmkarı isə cavabında Mixail Saakaşvili ilə İlham Əliyevin yaxın dost olduğunu və birgə çəkilmiş çox şəkillərinin olduğunu söyləyib:

"O, həmin gün axşam rəsmi nahar yeməyində də Mehriban Əliyeva barəsində danışdı. "Mən Sandranın ofisində oldum. Orada Mehriban xanımın çoxlu şəkilləri var idi", - Sərkisyanın arvadı deyib.