Kürdəmir rayon sakini iki nəfəri güllələyib.

APA-nın məlumatına görə, fevralın 25-də Kürdəmir rayonu Toplahəsənli kənd rayon sakini Məhəmmədəli Abdullayev həmyerlisi Natiq Dəmirovun evində olarkən aralarında baş vermiş münaqişə zamanı M.Abdullayev N.Dəmirova və qardaşı Raqifə ov tüfəngindən açdığı atəşlə xəsarət yetirib.

Münaqişəyə Məhəmmədəli Abdullayevin qaynı Natiq Dəmirovun ad günündə həddindən artıq içkili olmasına baxmayaraq yenə içki istəməsi olub.

N.Dəmirov buna etiraz edəndə mübahisə yaranıb. M.Abdullayev evinə gedərək ov tüfəngini götürüb və qaynının həyətinə girərək evin qapısına 26 dəfə atəş açıb. Nəticədə N.Dəmirov və qardaşı Raqif bədəninin müxtəlif nahiyələrindən güllə yaraları alıblar. Onlar xəstəxanaya yerləşdirilib.

Kürdəmir RPŞ əməkdaşlarının həyata keçirdikləri əməliyyat-axtarış tədbirləri nəticəsində M.Abdullayev tutulub, hadisə yerindən müvafiq sənədləri olmayan nömrəsi silinmiş "Arthems" markalı ov tüfəngi götürülüb.

İlkin dindirmədə M.Abdullayev içkili olduğundan törətdiyi hadisəni xatırlamadığını deyib.