Müğənni-bəstəkar Emin Ağalarov Moskvadakı restoranından qovulan Oleqlə yeni layihəyə başlayacaq.

Axar.az xəbər verir ki, Emin "Əlillərin dünyası" adlı forumda Oleqin spiker kimi yer alacağını bildirib:

"Oleqlə görüşdən sonra yeni layihəmizi təqdim etməyə hazırıq. Mayın 15-də "Əlillərin dünyası" adlı forum keçiriləcək. Forumda insanlar aktual sualları müzakirə edəcək, seçilən insanların cəmiyyətə adaptasiyasından danışacaqlar. Spikerlərdən biri də Oleq olacaq. İstəyən hər kəs tədbirdə iştirak edə bilər".

Xatırladaq ki, bir müddət əvvəl Eminin restoranına gələn Oleq "INSEAD" məktəbinin məzunları ilə görüşmək istəyib, ancaq onu qovublar. Hadisədən xəbər tutan müğənni buna görə məsuliyyət daşıyan hər kəsi işdən azad edib, Oleqdən isə üzr istəyib.