Ana səhifə Toplum |
Əmək və Əhalinin Sosial Müdafiəsi Nazirliyinin İnsan Alveri Qurbanlarına Yardım Mərkəzi tərəfindən 50 nəfər yardımla təmin olunub.
Nazirlikdən Axar.az-a verilən məlumata görə, onlardan 35 nəfərini DİN-in İnsan Alverinə Qarşı Mübarizə Baş İdarəsi tərəfindən yönləndirilmiş insan alveri qurbanları təşkil edib.
Digər 15 nəfər isə potensial insan alveri qurbanlarından (insan alverinin qurbanına çevrilmək riski ilə üzləşən insanlardan) ibarət olub. Qeyd olunan şəxslər ehtiyacları nəzərə alınmaqla hüquqi, psixoloji, tibbi və s. yardımlarla təmin ediliblər.
Həmçinin Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti ilə birgə onlardan bir qisminin məşğulluğunun təmin olunması və ya peşə hazırlığına cəlb olunması üçün müvafiq işlər görülüb.
Tarix
2016.05.24 / 17:52
|
Müəllif
İlham Sahiloğlu
|