Ana səhifə Planet |
Bu gün Rusiya Prezidenti Vladimir Putinin Yunanıstana 2 günlük rəsmi səfəri başlayır.
Axar.az xəbər verir ki, səfər çərçivəsində Yunanıstanla Rusiya arasında ticarət və iqtisadiyyat sahəsində bir sıra ikitərəfli razılaşmaların imzalanacağı gözlənilir.
Qeyd edək ki, Kreml rəhbəri ötən gün Yunanıstanın "Katimerini" qəzetində çıxan məqaləsində Avropa Birliyinə çağırış edib. O, AB ilə enerji alyansının yaradılmasının, AB-yə səfər edən rusiyalılar üçün viza qaydalarının yüngülləşdirilməsinin vacib olduğunu vurğulayıb:
"İnanırıq ki, AB ilə münasibətlərimizdə həll edə bilməyəcəyimiz problem yoxdur. Köhnə qitənin yeni beynəlxalq reallıqda düzgün mövqeyi yalnız bütün Avropa ölkələrinin, eləcə də Rusiyanın gücünün birləşməsi ilə təmin oluna bilər".
Analitiklərin fikrincə, Putinin Yunanıstan səfərinin digər bir məqsədi də Cənub Axını layihəsi üçün yeni dəhlizin tapılmasıdır. Türkiyə və Ukrayna ilə münasibətlər pisləşdikdən sonra Moskva bu layihəni bir müddətlik dayandırmalı olub. Alternativlər axtaran Moskva hələlik bunun üçün əsas iki ölkəni - Bolqarıstan və Yunanıstanı görür. Üstəlik, Cənub Qaz Dəhlizinin reallaşması və TAP-ın Yunanıstan ərazisində tikintisinin başlaması da Kremlin maraqlarına zərbə vurub.
Tarix
2016.05.27 / 12:07
|
Müəllif
Hacı Qulu
|