Ermənistan ənənəvi olaraq vurnuxur və riyakarlıqla məşğuldur.

Bu sözləri Axar.az-a millət vəkili Rasim Musabəyov Roma Papasının Ermənistan səfərini və İrəvanın son günlər AB-yə müsbət mesajlar verməsini şərh edərkən deyib. Politoloq vurğulayıb ki, Ermənistan hər kəsə xidmət etməyə hazırdır, ancaq Rusiyanın təsiri altından çıxmağı qeyri-mümkündür.

Politoloqun sözlərinə görə, Ermənistanın 5 rayonun qaytarılması ilə bağlı Rusiyanın təkidlərinə yeni müttəfiqlər axtarması ilə cavab verməsi mümkün deyil:

"Ermənistan kimə lazımdır? Kimdir gəlib Ermənistanı saxlayan? Ermənilər çox şey danışa, hər yerdə gedib nəsə dilənə bilərlər, amma onların kəndiri Rusiyanın əlindədir. Sərkisyanın bu kəndirdən yaxa qurtarmaq kimi bir şansı yoxdur".