Ərdəbil əyalətində 6-10 yaş arasındakı uşaqların 16 faizi savadsızdır.

Axar.az İran mətbuatına istinadən xəbər verir ki, bu sözləri Ərdəbil Təhsil Şöbəsinin rəsmisi deyib.

“Ötən il keçirilmiş siyahıyaalmaya əsasən, Ərdəbil əyalətində 6-10 yaş arasındakı uşaqların 16 faizi savadsız olduğu ortaya çıxıb. Əyalətdəki 6-10 yaş arasında olan 1 milyon 200 min uşaqdan 192 min 647 nəfəri savadsızdır. Onlardan 127 min 564 nəfəri qız, 65 min 83 nəfəri isə oğlan uşağıdır. Savadsız uşaqlar müxtəlif səbəblərə görə təhsildən kənarda qalıb, gələcək illərdə problemin həlli istiqamətində müəyyən tədbirlər görüləcək”, – o, bildirib.

Təhsil Şöbəsi rəsmisi onu da vurğulayıb ki, ötən il keçirilmiş siyahıyaalmaya görə, Ərdəbil əyaləti ölkənin birinci 4 savadsız əyalətindən biridir.