"Azərbaycanın Xarici İşlər Nazirliyi və digər aparatlarda son aylarda açıq-aşkar məğlub olan qərbmeylli qrup var".

Axar.az xəbər verir ki, bu açıqlama ilə Karnegi fondunun Qafqaz məsələləri üzrə eksperti Tomas de Vaal çıxış edib. O, hazırda Azərbaycanda Qərb meylli qrupun məğlub vəziyyətə düşdüyünü bildirib:

"Qərbdən olan məmurlar həyəcan siqnalını çalanda Azərbaycan hakimiyyəti onları ölkənin daxili işinə qarışmaqda günahlandırdı. Bu, ABŞ səfiri ilə Azərbaycan hakimiyyətinin davamlı toqquşmalarına səbəb oldu. Əli Həsənov da səfirin "Azadlıq" radiosundakı çıxışını Azərbaycanda "Maydan"ın alovlandırılması kimi dəyərləndirdi. Bütün hər şeyə baxmayaraq, bilinən tək şey var. Morninqstar Birləşmiş Ştatların Xəzərdə neft, qaz məsələləri üzrə nümayəndəsi, Bakı-Tiflis-Ceyhanın əsas təşəbbüskarlarından olduğuna görə azərbaycanlıların özləri xüsusi olaraq onun səfir postuna təyin olunmasını xahiş etmişdilər. Hazırda Azərbaycan elitası çoxlu qruplara bölünüb. Xarici İşlər Nazirliyi və digər aparatlarda son aylarda açıq-aşkar məğlub olan qərbmeylli qrup var. Amma Bakı hələ də Moskvaya tərəf istiqamətini yönəltməyib. Azərbaycanın BMT-də Ukraynanın xeyrinə səs verməyinə baxmayaraq, Bakı ilə Moskvanın əlaqələri hələ də güclü olaraq qalır".