Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
17 Oktyabr 2018


BTQ İrəvanın layihələrini iflasa uğratdı - Erməni mediası

Ana səhifə Gündəm
12 Punto 14 Punto 16 Punto 18 Punto

Bakı-Tiflis-Qars (BTQ) dəmir yolunun istifadəyə verilməsi Ermənistandakı bir sıra infrastruktur layihələrinin reallaşdırılmasına imkan verməyəcək. Artıq bir neçə layihə iflasa uğrayıb.

Axar.az xəbər verir ki, BTQ-nin açılışından sonra Ermənistanda həyata keçirilən və ya reallaşdırılması nəzərdə tutulan layihələrin bir neçəsi aktuallığını itirib.

Ermənistan mətbuatı yazır ki, bu ölkə üçün mühüm əhəmiyyət kəsb edən “Şimal-Cənub” avtomagistralı layihəsinin reallaşması artıq şübhə doğurur. Bildirilir ki, 2009-cu ilin sentyabrında Ermənistan Asiya İnkişaf Bankı ilə bu yolun tikintisi üçün kredit müqaviləsi imzalayıb. Müqaviləyə əsasən, magistral yolun tikintisi 2016-cı ildə başa çatdırılmalı idi. Amma tikinti işlərinə müqavilə imzalandıqdan üç il sonra başlanılıb. 2012-ci ildə yolun az bir hissəsi tikilib, layihənin qiyməti isə artıb. 2012-ci ilin sentyabrında layihənin qiyməti 1 milyard ABŞ dolları olsa da, indi onun qiyməti 2 milyard dollardır. Hazırda hökumət yolun tikintisi üçün əlavə vəsait axtarır. Ermənistanın nəqliyyat naziri Vaan Martirosyan deyib ki, avtomagistralın Artaşat-Meğri (350 kilometr) hissəsinin tikintisi üçün 1,5 milyard dollar tələb olunur. Yolun tam istifadəsi üçün daha çox vəsait lazımdır.

Ermənistan hökuməti hesab edir ki, beynəlxalq maliyyə təşkilatları artıq bu layihəyə investisiya yatırmaq istəmirlər.

Ekspertlərin fikrincə, “Şimal-Cənub” avtomagistralının tikintisi artıq sual altındadır. Bir neçə ildən sonra isə bu yol, ümumiyyətlə, mahiyyətini itirəcək. Ona görə ki, bu yol Azərbaycanın nəqliyyat şəbəkəsi ilə rəqabətə davam gətirə bilməyəcək və rentabelli olmayacaq. Bakı-Tiflis-Qars dəmir yolunun açılışı və ilk konteyner qatarının mənzil başına vaxtında çatması Ermənistanı şoka salıb. Əvvəllər BTQ-nin tikilməyəcəyi, beynəlxalq maliyyə qurumlarının bu layihəyə investisiya ayırmayacaqları barədə fikirlər səslənirdi. Amma Azərbaycan hökumətinin qətiyyəti və səyi nəticəsində yolun tikintisi başa çatdırıldı. Bu isə öz növbəsində Ermənistanın nəzərdə tutduğu layihələrin iflası deməkdir.

Tarix
2017.11.13 / 22:52
Müəllif
Aygün Yusibova
Şərhlər
Загрузка...
Digər xəbərlər

"Vaşinqton Tayms" Boltonun Bakı səfərindən yazdı

26 il: Qələbələr salnaməsi

Vaxt bitdi: Rusiya Türkiyə üçün əlavə zaman tanıyacaq?

Nikol istefaya gedir: Sərkisyanın Qarabağ səfərinin hədəfi

Ərdoğan Səudiyyəni bir anda məhv edə bilər – Sensasiya

Bransonun azadlığa buraxılması Türkiyəyə nə vəd edir?

Prezidentdən şad xəbər: İranla sərhədədək yeni yol

Elmar Məmmədyarov Koveney ilə görüşdü

Müvafiq göstərişlər veriləcək - İlham Əliyev

Senator: Azərbaycanda son 15 ildə möhtəşəm dəyişikliklər...

KULT
<>
Xəbər xətti
 
  
  
  
  
  
Axar.az'da reklam Bağla
Reklam
Bize yazin Bağla