Ana səhifə Gündəm |
İran etirazları ABŞ sanksiyalarının sayının artması ilə nəticələnəcək.
Bu sözləri Vaşinqton “Qulf” analitik mərkəzinin professoru Teodor Karasik İranda baş verən iğtişaşlar haqda Axar.az-a danışarkən deyib.
“İrandakı iğtişaşlar işsizlik də daxil olmaqla bir çox fərqli faktora əsaslanır. Həmçinin narazılıqların aradan qaldırılması üçün əyalətlərdə yerli məmurlar tərəfindən göstərilən etinasızlıq da bu fakta çox böyük təsir göstərdi.
Məşhəd şəhərində başlayan etiraz ölkə daxilində sürətlə yayıldı, şəhərlərdə olduğu kimi əyalətlərdə də eyni aktivlikdə baş qaldırdı.
Etirazçılar kömək üçün kiməsə müraciət etmir. Onlar Xamenei rejiminin və SEPAH, ETTELAAT, Bəsic kimi İran təhlükəsizlik qüvvələrinin üstünlük təşkil etdiyi iqtisadi modeli devirmək istəyirlər. Ruhani hökuməti və SEPAH vəziyyətə nəzarəti bərpa edir, amma İranın bundan sonra gedəcəyi yol olduqca vacibdir. ABŞ və Ərəb Birliyinin etirazçılara verdiyi dəstək son nəticə olaraq yeni sanksiyalara gətirib çıxaracaq, - Karasik bildirib.
Tarix
2018.01.10 / 08:45
|
Müəllif
Rəfiqə Əlisəfa
|