Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
19 Noyabr 2017


Əli Həsənov: "Dövlətimiz çalışır ki..."

Ana səhifə Gündəm
12 Punto 14 Punto 16 Punto 18 Punto

Noyabrın 5-dən 7-dək Bakıda "Böyük İpək Yolu" Beynəlxalq Gənclər İttifaqının İdarə Heyətinin növbəti iclası keçirilib. İclasda Azərbaycan, Misir, Macarıstan, Qazaxıstan, Çin, Hindistan, Mərakeş, Türkiyə, Yunanıstan, Gürcüstandan olmaqla, ümumilikdə, 10 ölkədən İdarə Heyətinin üzvləri iştirak edib.

Publika.az xəbər verir ki, İdarə Heyətinin üzvləri Azərbaycan Respublikası Prezidentinin ictimai-siyasi məsələlər üzrə köməkçisi, İctimai-Siyasi Məsələlər Şöbəsinin müdiri Əli Həsənovla görüşüblər. Görüşdə Əli Həsənov "Böyük İpək Yolu" Beynəlxalq Gənclər İttifaqına üzv gəncləri salamlayaraq onlara öz təşəkkürünü bildirib, onları maraqlandıran sualları cavablandırmağa hazır olduğunu vurğulayıb.

Daha sonra Əli Həsənov Mədəniyyətlərarası Dialoqun inkişafında "Böyük İpək Yolu" BGİ-nin uğurlu fəaliyyətini yüksək qiymətləndirirək Təşkilatın daha da genişləndirilməsinin vacib olduğunu diqqətə çatdırıb. Qeyd edib ki, Təşkilat üzvlərinin sayının artırılaraq hər ölkədən bir deyil, bir neçə gənclər təşkilatının cəlb edilməsi daha məqsədəuyğundur: "Azərbaycanda gənclər siyasəti dövlət siyasətinin prioritet istiqamətlərindəndir. Ölkə Prezidenti gənclər və idman sahəsinə xüsusi önəm verir. Çünki gəncliyini düşünməyən xalqın perspektivi ola bilməz. Dövlətimiz çalışır ki, gənclərimiz daha sağlam, savadlı, intellektual və kreativ istiqamətlərdə inkişaf etsinlər. Bu sahədə fəaliyyət göstərən təşkilatların qarşısında duran əsas məsələ isə gənclərə dəstək olmaqdır. Müxtəlif dinləri və mədəniyyətləri bir araya gətirmək, hər bir xalqın mədəniyyətində gözəl keyfiyyətləri, müsbət cəhətləri təbliğ etmək lazımdır. Sizə bu yolda uğurlar arzulayıram. Ümid edirəm ki, Azərbaycandan ən yaxşı nümunələri götürəcək, ölkəmizdən dost olaraq ayrılacaqsınız".

"Böyük İpək yolu" Beynəlxalq Gənclər İttifaqının sədri Fuad Muradov Əli Həsənova qəbul üçün təşəkkürünü bildirib, Bakıda başlayan "Böyük İpək Yolu" Beynəlxalq Gənclər İttifaqının İdarə Heyətinin növbəti iclası haqqında geniş məlumat verib.

Qeyd edib ki, İttifaq üzvləri Bakı, Astana, İstanbul, Budapeşt və Saloniki şəhərlərində idarə heyətlərinin iclaslarını keçiriblər.

İttifaqın gördüyü işlər haqqında məlumat verən Fuad Muradov onu da əlavə edib ki, Təşkilatın "Gənc şairələrin beynəlxalq forumu" Şərq Tərəfdaşlığı ölkələri arasında ən yaxşı mədəniyyətlərarası layihə mükafatına layiq görülüb.

İdarə Heyətinin Bakıda keçirilən iclasında təşkilatın illik hesabatı dinlənilib. Eyni zamanda, yeni loqo və brend-book təqdim edilib və İdarə Heyəti tərəfindən təsdiqlənib.

Görüşdə 2016-cı ilin fəaliyyət proqramı müzakirə edilib.

İttifaqın gördüyü işlər barədə iştirakçılara slayd nümayiş etdirilib. Müzakirələrdə "Böyük İpək Yolu"nun növbəti Forumun keçirilməsi istiqamətində fikir mübadiləsi aparılıb.

Xatırladaq ki, əsas məqsədi İpək Yolu üzərində yerləşən ölkələr arasında mədəniyyətlərarası dialoqun yaradılmasına və inkişafına töhfə vermək üçün gənclər arasında tolerantlığı, qarşılıqlı anlaşmanı inkişaf etdirmək olan İttifaqa 32 ölkədən üzv təşkilat daxildir.

Tarix
2015.11.07 / 12:36
Müəllif
Axar.az
Şərhlər
loading...
Digər xəbərlər

Bakının daha bir diplomatik həmləsi - Qarabağ forumu

Putin imkan vermir: Ərdoğanın Qarabağ etirafı…

İrəvan İkinci Aprelə hazır olmalıdır – Politoloq

Qərb Türkiyəyə qarşı bu tərbiyəsizliyi də etdi

Paşayeva Mekkavini Bakıya dəvət etdi - Foto

İlham Əliyev 3 deputatı mükafatlandırdı

Hədəf Ərdoğan yox, Türkiyədir – NATO qalmaqalı

Təhlükə: Türkiyə bu məqamlarda ciddi səhv edir - Politoloq

Putinin Qarabağ ümidsizliyinin əsas - Səbəbi

İrəvan çətin durumda: İran da prosesə qoşulur

KULT
<>
Xəbər xətti
 
  
  
  
  
Axar.az'da reklam Bağla
Reklam
Bize yazin Bağla