Xalq artisti Brilyant Dadaşova sosial media istifadəçilərinin qınağındam sonra erməni qarmon ifaçısı Varujan Şahbazyanın paylaşımlarının altındakı şərhlərini silib. Eyni zamanda, İnstaqramdakı “brilliant_dadashova” adını dəyişərək “brilliant_dadashova_official” edib. Sənətçi həmin şərhləri istifadə etdiyi profildən yazmadığını göstərməyə çalışıb.

Kult.az Axşam.az-a istinadən xəbər verir ki, ötəngünkü qınaqlardan və mediadakı yazılardan sonra Varujan da İnstaqram profilini qapalı edib. Artıq onun profilini yalnız dostları görə bilir. Bu isə müəyyən şübhələrə yol açıb. Şahbazyanın B.Dadşovanın istəyi ilə belə bir addım atdığı ehtimal edilir. Varujan Şahbazyan B.Dadaşovanı izləyiciləri siyahısından da çıxarıb.

Qeyd edək ki, müğənni erməni musiqiçinin paylaşımlarının altına ürək, əla işarələri düzməsi və “super” yazması ilə gündəmə gəlib.

B.Dadaşova məsələyə münasibət bildirməkdən qaçır, telefonlara cavab vermir.