22:18

Fövqəladə Hallar Nazirliyi Salyandakı qəza ilə bağlı açıqlama yayıb.

Axar.az xəbər verir ki, məlumatda Ələt-Astara magistral avtomobil yolunun Salyan rayonu ərazisindən keçən hissəsində VAZ və Mersedes markalı iki minik avtomobili toqquşduğu bildirilir.

Fövqəladə Hallar Nazirliyinin Muğan Regional Mərkəzinin xilasediciləri dərhal hadisə yerinə cəlb olunublar. Xilasedicilər sıxılmış vəziyyətdə qalmış 4 nəfərin cəsədini VAZ markalı minik avtomobilindən çıxarıb və aidiyyəti üzrə təhvil veriblər.

Qeyd edək ki, Report ölənlərin soyadları və təvəllüdləri hələ ki, məlum olmayan Vəfa, Gilas, Arzu və Sevinc adlı xanımlar olduğunu yazıb.

APA isə qəza nəticəsində yaralanan 3 nəfərdən ikisini - “Mersedes”in sərnişini Cəlilabad sakini 1990-cı il təvəllüdlü Əzimov Fərid Habil oğlu və VAZ 2106 markalı avtomobilin sərnişini Saatlı sakini 27 yaşlı Hüseynov Babək Xanəhməd oğlu olduğunu bildirib.