09:06

Real TV artıq efirdədir, ancaq bu günlərdə məni orda görməyəcəksiniz.

Kult.az xəbər verir ki, bu sözləri tanınmış telejurnalist Ləman Ələşrəfqızı qeyd edib. O bildirib ki, hələ bir müddət Real TV-də olmayacaq:

“Həm peykdən, həm kabel televiziyasından Real TV-yə baxa, tvreal.az vasitəsilə internet üzərindən izləyə bilərsiniz. Düzdür, bu günlərdə məni orda görməyəcəksiniz, amma ürəyim dostlarladır. Onlar – Səbinə Heydarova-Ağayeva, Lale Nurəddinqızı, Orxan Məmmədli, Natiq Nailəoğlu, Afət Telmanqızı, Ayşən Rüstəmova və adını çəkə bilmədiyim çoxlu dostum səhəri işdə dirigözlü açıblar. Ki, səhəriniz REAL xəbərlərlə açılsın”.

L.Ələşrəfqızı kollektivi, həmçinin Real TV-nin rəhbəri Mir Şahini təbrik edib.

Qeyd edək ki, tanınmış jurnalist L.Ələşrəfqızı hazırda “Azərxalça” Açıq Səhmdar Cəmiyyətinin mətbuat katibi vəzifəsində çalışır. Jurnalist bildirib ki, hazırda “Azərxalça” ASC-dəki işinə davam edir: “Hələ ki, köhnə işimdəyəm. Yaxında Real TV-də olacağam”.