Ana səhifə Hadisə |
Bu gündən etibarən “Vətən uzaqda deyil” ixtisaslaşmış televiziya proqramı fəaliyyətə başlayır.
Diasporla İş üzrə Dövlət Komitəsindən Kult.az-a verilən məlumata görə, Komitə ilə İctimai Televiziya və Radio Yayımları Şirkətinin birgə layihəsi olan “Vətən uzaqda deyil” diaspor proqramının ilk buraxılışı sentyabrın 24-dən 25-nə keçən gecə saat 00.10-da yayımlanacaq.
Proqramın ilk buraxılışında “Cümhuriyyətin 100 illiyi” Diaspor Gənclərinin I Yay düşərgəsindən bəhs ediləcək.
Layihənin əsas məqsədi dünya azərbaycanlılarının müzakirə platformasını formalaşdırmaq, soydaşlarımızı maraqlandıran məsələlərin müzakirəsini təşkil etmək və soydaşlarımız arasında, eləcə də soydaşlarımızla tarixi vətənləri arasında etibarlı körpü yaratmaqdan ibarətdir.
“Vətən uzaqda deyil” TV layihəsinin buraxılışlarını Dövlət Komitəsinin onlayn “Diaspor TV” ünvanında da izləmək mümkün olacaq.
Tarix
2018.09.24 / 10:58
|
Müəllif
Nigar İxtiyarqızı
|